8大濕熱食物 有濕疹千其咪亂食!

香港地好多人都受到皮膚問題困擾,最多人都有嘅就係濕疹!相信好多人都知道天氣一轉佢又黎一黎發作,相當困擾。除咗利用藥物治療之外,其實戒口都係相當重要!以下8種食物,患有濕疹嘅你真係掂都唔好掂!

1. 酒精類飲品
同一班朋友一齊好多時都鐘意去暢飲,但係其實酒精係相當濕熱之物!濕熱嘅食物好容易會令某些疾病症狀加重,患有濕疹嘅人士飲酒可能會令受濕疹影響嘅皮膚更加痕癢同泛紅,所以千其唔可以掂!

2. 芋頭
芋頭黏滯,古籍中亦明言生吃有毒,即使煮熟咗,食後都會容易導致肚滯,阻礙脾臟嘅去濕功能。會令人體嘅濕毒更加難消除,助長濕疹發作。

3.糯米
糯米屬溫性,經常食嘅話同樣令人濕熱,同芋頭一樣,都會令肚胃黏滯,容易加重人體濕熱。而且除咗患有濕疹,患有口腔或皮膚潰瘍、甲狀腺腫大嘅人都應該避免食用!

4. 牛奶
唔少研究已經指出,大部分亞洲人身體比較難消化牛奶中嘅主要成分,所以好多人飲用牛奶及奶類製品後會出現消化不良、腹瀉,甚至過敏等不適。而大部分濕疹患者都係過敏體質,所以唔建議飲牛奶。

5.蝦蟹
蝦蟹係極為寒涼嘅海鮮類,容易損害脾胃功能,除左容易引致肚痛肚痾等不適之外,亦會令脾胃去濕嘅功能受損,而且海產類食物容易令身體濕熱,又會令本身濕疹症狀加重。

6. 高麗參、鹿茸等大補之物
唔少人都認為濕疹患者體質比較弱,需要經常進補養生。但其實濕疹患患者最忌係太補!即使係中醫師開方,都要非常謹慎,建議中藥唔好亂試,要先請教醫生。

7.榴槤
榴槤性溫,有補火助陽嘅功效。但對於身體有明顯積熱的濕疹患者,榴槤會進一步加重積熱,令濕疹一發不可收拾,所以榴槤可以話真係好毒!

8. 麵粉製品
現代麵粉製品多數有唔少添加物,大多都含有牛奶,並唔適合濕疹患者食用。如果係自家製嘅,都必須注意砂糖量唔可以太多,因為砂糖、甜品呢D,有濕疹都係少食為妙!

另外想知道更多咩係濕疹? 點解會又痕又紅?
快D睇埋以下文章知多D!

No Comments Yet

Leave a Reply

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>