Future Tech Concepts 董事總經理
Albert Wong 「笨實」商人
第四章﹕包容與對抗

今年到台北參加先進田徑運動會,香港隊大約有160人參賽,囊括大部份獎項,亦得到全場總冠軍!其實今次台灣全國賽邀請唔同嘅國家參與其中,包括星加坡,香港,日本,而比賽之中有好多係台灣嘅前國手,實力係唔差嘅!

係比賽之中我見到台灣選手非常歡迎外國選手參賽,雖然有好多獎牌都比外國選手拿了,但係我一啲都見唔到佢哋失望嘅表情,反而佢哋仲非常支持大家切磋爭取好成績,亦都熱情邀請我哋下年再去參加!

比賽之後,我反思一下佢哋喺台北小巨蛋安排一連兩日嘅比賽,吸引不少外國選手參與,雖然有好多台灣選手都攞唔到獎牌,但係明顯對台北市增進左經濟上嘅利益,如酒店住宿,餐飲消費等,雖然唔係好多但總算係有一啲貢獻。而同時間我亦都見到台灣選手係採取一個包容嘅態度而唔係對抗嘅態度面對競爭,因為運動員當然想贏得獎牌,如果冇外國選手參與,好多台灣運動員都可以得到獎牌而唔需要分薄左比其他嘅選手。但係我喺比賽中我見到佢哋係一啲都唔介意,反而有陣時睇返香港嘅社會,好多時都唔可以融入其他人嘅參與,覺得自己嘅利益俾人侵蝕,所以好多時都採取一個對抗嘅態度!但係其實可以諗下,係宏觀角度嚟講多啲人參與雖然可能短時期對某些個人利益產生影響,但長遠可能對社會有正面嘅作用及貢獻呢!


Albert Wong
普通人一個,幸運成為名校畢業生,半專業運動員,經歷高山低谷生意人!幸運地擁有一顆打不死的阿Q精神,積極面對任何困境,在黑暗中找出光明!
www.ftconcepts.com.hk
FB Fan Page: FTC Life
No Comments Yet

Leave a Reply

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>